Zabana
From Shawshara
يا دبايلي أنا على زبانة
يا دبايلي أنا على وليدات بلادنا
....
بطل وهراني ... أسمر قمحاني
سيفه يماني ... بيّض تاريخنا
روحي فداه ... قلبي يهواه
شبّان معاه ... قهرو عدياننا
يا دبايلي أنا على زبانة
يا دبايلي آنا حميدة زبانة
....
نبنيه تمثال ... في سيدي بلال
بنساء و رجال ... في وسط بلادنا
بالذهب نطليه ... الجوهر عينيه
تحمل يديه ... سلاح جهادنا
يا دبايلي أنا على زبانة
يا دبايلي أنا علي زبانة
....
صوت الكفاح ... سمع و راح
بكّر بالسلاح ... و مشى بالقانة
سالو المهاجا ... على الغار وين تا جا
كانو فرّاجه.... و العديان حيرانه
يا دبايلي أنا على زبانة
....
و على الجزاير ... حاصروه العساكر
ماهوش حاير ... قال لهم: أنا
أنا نحميها ... بعيني نفديها
باغي نهديها ... و نمشي للفنا
يا دبايلي أنا على زبانة
....
الشدّة في الله ... و الخوف علاه
روحي لله ... وهبة لثورتنا
يا عودي غنّي ... مانيش مهنّي
و ابكي يالحزين ... تاريخ اصحابنا
و ابكي يا لحني ... تاريخ آصحابنا
يا دبايلي أنا على زبانة
